માસિક મેડિકલ એલાઉન્સિસ વધારવાની જાહેરાતનો પરિપત્ર સરકારે હટાવી લેતાં ભારે આક્રોશ અમદાવાદ : રાજ્યના સાત લાખ જેટલા સરકારી કર્મચારીઓના માસિક મેડિકલ એલાઉન્સિસ વધારવાની જાહેરાત રાજ્ય સરકારે કરતા આનંદની લાગણી છવાઇ ગઇ હતી. પરંતુ આચારસંહિતા લાગતા સરકારે પરિપત્ર હટાવી લેતા તમામ સરકારી કર્મચારીઓ ભારે દ્વિધામાં મુકાયા છે, એટલું જ નહીં કર્મીઓમાં આંતરિક રોષની લાગણી વ્યાપી ગઇ છે. રાજ્ય સરકારે તમામ સરકારી કચેરીઓમાં કામ કરતા કર્મચારીઓને મળતું માસિક મેડિકલ એલાઉન્સિસ રૂ. ૧૦૦થી વધારી રૂ. ૩૦૦ કરવાની જાહેરાત કરી હતી, આમ સાત લાખ કર્મચારીઓને મેડિકલ એલાઉન્સિસમાં માસિક રૂ. ૨૦૦નો વધારો કરાયો હતો. આ વધારો ચાલુ મહિનાથી અમલી કરવાનું નક્કી કરાયું હતું. જે મુજબનો પરિપત્ર સરકારે રાજ્યના સરકારી કર્મચારીઓના જાણ માટે વેબસાઇટ પર પણ મૂકી દીધો હતો. પરંતુ આચારસંહિતા લાગતા છઠ્ઠી ઓક્ટોબરના રોજ સરકારે વેબસાઇટ પરથી જાહેરાત ઉતારી દીધી હતી. ચાલુ મહિનાથી વધારવામાં આવેલા મેડિકલ એલાઉન્સિસનો અમલ થશે કે કેમ ? તે અંગે કર્મચારીઓ મૂંઝવણમાં મુકાયા છે.

માસિક મેડિકલ એલાઉન્સિસ વધારવાની જાહેરાતનો પરિપત્ર સરકારે હટાવી લેતાં ભારે આક્રોશ અમદાવાદ : રાજ્યના સાત લાખ જેટલા સરકારી કર્મચારીઓના માસિક મેડિકલ એલાઉન્સિસ વધારવાની જાહેરાત રાજ્ય સરકારે કરતા આનંદની લાગણી છવાઇ ગઇ હતી. પરંતુ આચારસંહિતા લાગતા સરકારે પરિપત્ર હટાવી લેતા તમામ સરકારી કર્મચારીઓ ભારે દ્વિધામાં મુકાયા છે, એટલું જ નહીં કર્મીઓમાં આંતરિક રોષની લાગણી વ્યાપી ગઇ છે. રાજ્ય સરકારે તમામ સરકારી કચેરીઓમાં કામ કરતા કર્મચારીઓને મળતું માસિક મેડિકલ એલાઉન્સિસ રૂ. ૧૦૦થી વધારી રૂ. ૩૦૦ કરવાની જાહેરાત કરી હતી, આમ સાત લાખ કર્મચારીઓને મેડિકલ એલાઉન્સિસમાં માસિક રૂ. ૨૦૦નો વધારો કરાયો હતો. આ વધારો ચાલુ મહિનાથી અમલી કરવાનું નક્કી કરાયું હતું. જે મુજબનો પરિપત્ર સરકારે રાજ્યના સરકારી કર્મચારીઓના જાણ માટે વેબસાઇટ પર પણ મૂકી દીધો હતો. પરંતુ આચારસંહિતા લાગતા છઠ્ઠી ઓક્ટોબરના રોજ સરકારે વેબસાઇટ પરથી જાહેરાત ઉતારી દીધી હતી. ચાલુ મહિનાથી વધારવામાં આવેલા મેડિકલ એલાઉન્સિસનો અમલ થશે કે કેમ ? તે અંગે કર્મચારીઓ મૂંઝવણમાં મુકાયા છે.